Brottför á morgun

Ferðahugurinn er farinn að gera vart við sig, og stressið og kvíðinn er nánast horfinn og spenningurinn og tilhlökkunin að takast á við eitthvað nýtt tekinn yfir.
Ég fékk núna loksins áðan staðfestingu frá skólanum úti, er eiginlega búin að vera að bíða eftir einhverju frá þeim í allt sumar svo það var mikill léttir að heyra að ég á pláss í skólanum og týndist ekki í kerfinu :)

Svo í kvöld er það bara að henda öllu heila klabbinu ofan í tösku, borða góðan mat og njóta síðasta kvöldsins hér heima i bili :)

Á morgun er það svo brottför til Boston, Victorias secret í tæpa tvo daga og svo flogið yfir til Guadalajara, Mexíkó á föstudagskvöld.

Guadalajara er borgin sem ég verð í og hún er í Mexókósku hálöndunum eftir því sem ég kemst næst. Hitastig er milt og gott allan ársins hring og veðursældin víst með einsdæmum :)
Það er hægt að sjá hér á kortinu til hliðar hvar borgin er. Eini gallin sem ég rek augun í undireins er að það er engin strönd... en ég verð bara að vera dugleg að fara þangað svo að ég hafi nú eitthvað smá "tan" þegar ég kem aftur heim á klakann....


Skólinn minn heitir Tecnológico de Monterrey og mér líst bara vel á hann, risastór sýnist mér og lítur afar gæðalega út, og ef að heimasíðan lýgur ekki þá er heilsurækt, sundlaug og ýmislegt fleira í skólanum eða nánasta nágrenni. Svo að það er ekki nóg með að ég mæti heltönuð heim heldur verð ég líka mössuð og ógurlega fit ... :)
Í garðinum er sundlaug og mér finnst þetta allt líta mikið frekar út eins og hótelgarður frekar en skóli...en það má örgugglega venjast því.

En já ég læt heyra eitthvað í mér hér á þessari síðu og frekari lýsing á staðháttum fylgir þegar ég verð komin á svæðið.