Rainy rainy Boston

Ferðin hefur byrjað vel, flugið gekk fínt bara smá ókyrrð, það var enginn röð fyrir eftirlit á flugvellinum, taskan kom frekar fljótt og það tók mig svona í kringum 40 mín. að komast á gistiheimilið mitt. Mikið var nú gott að leggjast uppí rúm um 9 leitið hér þá um 1 heima og fara að sofa. Eini gallinn er sá að ég var glaðvöknuð klukkan sjö í morgun J

Regnhlífin sem ég keypti í morgun er held ég einhver besta fjárfesting sem ég hef lagt í lengi. Veðurspáin laug engu, þrumur og eldingar og dembur með, og svo eiginlega sól á milli þannig að ég er strax komin með nýja línu á axlirnar.

Ég var komin af stað að skoða Boston frekar snemma og rölti nokkra kílómetra í rólegheitunum og tók pásur þegar fór að rigna. Ég fann líka gamlan vin HM og tók einn hring þar og bætti aðeins á fataskápinn og eftir það skellti ég mér í Victorias secret.... það var nú stuð og ég hef aldrei nokkurntíman á ævinni fengið jafn góða þjónustu held ég, allir boðnir og búnir að hjálpa mér og velja handa mér J enda endaði ég með hágæðavörur, renndi kortinu brosandi í gegn og dansaði út... mæli með henni.

En þar sem rigningin er bara að aukast og farið að skyggja þá er ég bara komin heim á gistiheimilið, komin í þurr föt og þurra skó, held að hinir séu ónýtir, og er strax farinn að kvíða því að þurfa að fara aftur út í bleytuna til að finna mat J

En allavega þá er brottför til Mexico seinnipartinn á morgun.... jibbíí það verður spennandi held ég að komst á leiðarenda og sjá hvernig borgin er, finna skólann og íbúð og byrja þennan kafla fyrir alvöru, ég er búin að hugsa þetta svo mikið að það verður snilld að sjá hvernig þetta er allt í raunverleikanum.
Rosalega var samt gott að vera einn að vesenast í dag, rölta bara um drekka fáránlega mikið kaffi á jafnmörgum stöðum og lesa í bókinni minni sem ég er reyndar búin með og slaka bara aðeins á eftir hasar síðustu vikna. Held að þetta hafi verið góð hugmynd hjá mér að leggja svona snemma af stað og njóta þess aðeins að vera á smá ferðalagi, svo maður mæti ekki dauðþreyttur og útúr stressaður fyrsta skóladaginn :)

En annars bið ég bara að heilsa úr þrumuveðrinu hér og vona að það sé skárra á ströndum...