Nokkrar myndir

Jæja hérna koma loksins myndirnar sem ég lofaði..þær eru hérna til hliðar undir fyrstu dagarni í Mexíkó.

Hlutirnir eru að detta inní smá rútínu hér. Skólinn er að komast í gang og við erum búin að finna út strætó leiðina svo það er ekki major operation að fara heim á hverjum degi. Það tekur okkur um klukkutíma að fara í skólann, löbbum fyrst í svona korter og tökum svo strætó restina af leiðinni. Strætóarnir eru svona misfínir en Mexíkóskir menn eru herramenn, já og sá finnski sem ég fer yfirleitt samferða í og úr skóla, svo að ég fæ nánast undantekningarlaust sæti. Mér er alltaf hleypt á undan inní í strætóinn sérstaklega ef það er rigning. Þá hleypa mexíkósku mennirnir mér inn og fara svo á eftir mér svo að sá finnski er yfirleitt fastur úti eilítið lengur en ég :)

Skólinn er víst til níu á kvöldinn síðasti tíminn... ekki til sjö eins og ég hélt en sem betur fer er ég ekki í neinum af þeim tímum. Ég er í einum kúrs á spænsku, administración de operaciones, ég held að það verði áhugavert ég skil svona mestmegnis það sem kennarinn er að fara allavega í fyrsta tímanum... það var ekkert flókið sem hann var að tala um... en já það reddast. Bókin er allavega á ensku svo að ég held að ég styðjist meira við hana. En ég stefni á að taka allt á spænsku eftir jól svo að það er eins gott að ég fari að æfa mig.

Í hinum kúrsunum eru fleiri Mexíkanar en skiptinemar, sem mér finnst mjög fínt. Við vinnum mjög mikið í hópum í þessum skóla og við skiptinemarnir megum ekki vera saman í hóp, svo að við verðum alltaf að vinna með Mexíkönunum. Þannig að ég er komin í þrjá mismunandi hópa og ég veit ekki/ man ekki nöfnin á neinum... og ég er ekki viss um að ég þekki nokkurn í útliti... kemur í ljós í næstu viku.

Já.... ég er að fara í tíma svo ég bið bara að heilsa heim
Bkv Ástý