Fyrstu dagar annarinnar

Halló halló

Jæja eftir gott jólafrí og ferðalag þá er lífið að komast í sinn vanagang. Ingibjörg er farin og kærastan hans Antti líka svo við erum bara tvö í kotinu núna. Var frekar tómlegt að yfigefa Ingibjörgu á flugvellinum og fara ein með rútunni heim, var svo feginn þegar ég kom til Guadalajara að geta hitt Antti og spjallað við hann...en nei hann var ekki heima. Hann var svo miður sín þegar kærastan fór að hann gat ekki hugsað sér að vera einn heima og fór að heimsækja einhverja finnska gaura sem búa hérna.
En við erum allavega komin með sjónvarp svo ég hafði smá félagsskap af því þar til hann lét sjá sig.

Svo var það bara beint í skólann á mánudaginn, spænska um morguninn og alþjóðasamskipti eftir það, virkar mjög spennandi kúrs hlakka til að taka hann og svo á þriðjudögum er það spænska of gestión de tecnologías de información sem er humm stjórnun í upplýsinga tækni... er svona að finna nákvæmlega út hvað það er seinnipartinn er það svo markaðsrannsóknir sem er óáhugaverðasti kúrsinn en ég þarf að taka mjög sambærilegan kúrs heima svo ég vona að hann verði metinn þannig. Miðvikudagar eru svo frí...:) og svo er í í einum kúrs sem er kenndur á netinu og hann er stjórnun í e-business, held að þessi og upplýsingatæknin séu mjög spennandi. Mér er aftur á móti farið að sýnast að ég þurfi að halda vel á spöðunum þessa önnina og þurfi að hafa frekar mikið fyrir náminu. Allt er á spænsku nema markaðsrannsóknirnar og þar þurfum við að gera markaðsrannsókn fyrir eitthvað x-fyrirtæki svo hann er hálfur á spænsku. Ég þarf að skila inn um 5-8 skrifuðum blaðsíðum í hverri viku (úr öllum kúrsunum samnalagt) á spænsku auðvitað og í einum þá má ég ekki gera meira en 10 villur þá er helmingur einkuninnar dreginn frá... engin miskun þó að þú sért útlendingur... svo gangi mér vel :)

Það var samt svo gaman að koma til baka og hitta alla krakkana, Ingibjörg hitti nokkra þegar hún var hér, kom með í skólann og svona :) Restin hefur svo verið að týnast inn svo það er bara einn sem vantar núna, Alex elskan en hann er fastur í Perú...aulaðist til að týna vegabréfinu sínu og það gengur ekki alveg nógu vel að fá nýtt...

En já ég ætla að fara að reyna að kaupa mér vatnshana eða hvað sem það kallast svo að ég geti keypt 30L dunka af vatni í staðinn fyrir 10L... og þarf þar af leiðandi að kaupa vatn mun sjaldnar, er ekki ennþá búin að venjast þessu, bull og kjaftæði. Stefni á að gera verð könnun á blöndurum og þeyturum í leiðinni :)

Hafið það gott á nýju ári
Bkv eilítið stressaði skiptineminn